Stilwaterskliniek

Jagersbosch bedryf die Stilwaterskliniek. Hierdie kliniek se dienste is beskikbaar aan almal wat dit mag benodig. Die dienste sluit in na-operatiewe sorg en die versorging van terminale pasiente. Die kliniek is onlangs vergroot om soveel as 15 pasiente te akkomodeer. Die nuwe aanbouings bestaan uit 'n traumakamer, vertrekke vir verswakte pasiente se versorging en wasgeriewe.

Voedseldiens doen wonderlike werk

Die voedseldiens het vanaf April 2007 tot Maart 2008 31 914 etes verskaf. Die diens poog om gebalanseerde etes teen sakpaspryse te verskaf. Die verhoogde voedelpryse het veroorsaak dat hulle ook die knyp begin voel het. Om die pryse van etes, wat volgens n glyskaal gebaseer op inkomste van lede bereken word, nie te verhoog nie, is besluit om slaai en nagereg om die beurt te bedien. Slegs Sondag se middagetepryse is verhoog. Daar is ook n beroep op lede van Jagersbosch gedoen om nie-bederfbare voedsel op n maandelikse basis, te skenk. Op hierdie wyse kan Jagersbosch hulle missie om met liefdevolle ondersteuning en sorg die bestaan van n bemagtigde en gesonder gemeenskap moontlik te maak, in woord en daad uitleef. Mev Bernice Kapp is tans die Bestuurder.

Behuising in Soeterus, Melkhoutfontein

Soeterus vorm deel van die Jagersbosch Gemeenskapsorgsentrum. Die Soeteruskompleks bestaan uit die Moses Kleinhanskliniek, Soete Inval Botaniese Tuin, Soete Arbeid Werkswinkel, Stillerus transito-sorgeenheid, 10 huisies vir bejaardes en gestremdes en die voedseldiens. Verlede jaar het Jagersbosch befondsing van die Hessequa Raad ontvang om die Stillerus eenheid te vergroot. Tans is daar behuising vir 21 mense: tweeslaapsale vir 14 vroue en een slaapsaal vir 8 mans. By die amptelike opening op 4 Augustus het die Burgemeester Chris Taute, Hessequa Raadslede en mnr Johan Jacobs, Munisipale bestuurder, die terrein ebsoek. Hulle is hartlik vir die R200 000 bedank. Al die bouwerk is deur plaaslike kontrakteurs gedoen.

In Oktober 2008 het die raad n verdere bedrag van R175 000 aan Jagersbosch geskenk om die Stillerus Transito-sorgeenheid met nog n slaapsaal, waskamer en groot stoep te vergroot. Bouwerk behoort einde 2008 n aanvang te neem.

Met die Nomads, n groep gholfspelers wat oa fondse vir minderbevoorregtes insamel, se ruim bydrae van R85 000, kon die 10 huisies vir bejaarde en gestremde inwoners van Soeterus opgradeer word. Mnr Ward-Able van Suidkaap Nomads is hartlik bedank vir hulle wonderlike bydrae.